www.beau6ygirls.com

منتدى للبنات فقط
 
الرئيسيةالتسجيلدخول
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
المواضيع الأخيرة
» اقنعة لازالة البثور والرؤوس السوداء
الجمعة 26 ديسمبر 2008 - 17:14 من طرف realbelladonna

» لجمال من غير مكياج
الجمعة 26 ديسمبر 2008 - 17:10 من طرف realbelladonna

» لجمال من غير مكياج
الجمعة 26 ديسمبر 2008 - 17:09 من طرف realbelladonna

» لترطيب وتنظيف البشرة
الجمعة 26 ديسمبر 2008 - 17:07 من طرف realbelladonna

» ماسك للبشرة المرهقة اللى كلها اثااااار
الجمعة 26 ديسمبر 2008 - 16:53 من طرف realbelladonna

» المشروبات التى تضر بجمالك وشعرك
الجمعة 26 ديسمبر 2008 - 16:48 من طرف realbelladonna

» كوليكشن ازياء للمحجبات
الجمعة 26 ديسمبر 2008 - 16:07 من طرف realbelladonna

» طرق التعامل مع غضب الزوج
الأربعاء 24 ديسمبر 2008 - 19:46 من طرف realbelladonna

» خطوات نتعلم فيها السحر نقلتها للفائدة
الأربعاء 24 ديسمبر 2008 - 19:41 من طرف realbelladonna

أفضل 10 أعضاء في هذا المنتدى
realbelladonna - 164
 
esraa - 79
 
shitos_lovely - 41
 
prettyangel - 39
 
yara - 37
 
وايت هارت - 15
 
nova - 8
 
maha - 5
 
RoSe - 3
 
noha - 2
 
بحـث
 
 

نتائج البحث
 
Rechercher بحث متقدم
التبادل الاعلاني
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط bananeet على موقع حفض الصفحات

قم بحفض و مشاطرة الرابط www.beau6ygirls.com على موقع حفض الصفحات

شاطر | 
 

 يا ترى هيتجوها؟؟؟؟؟

اذهب الى الأسفل 
كاتب الموضوعرسالة
realbelladonna
Admin
avatar

انثى عدد الرسائل : 164
العمر : 29
الديانة : مسلم
مهنتك :
دعائك :
تاريخ التسجيل : 14/08/2008

مُساهمةموضوع: يا ترى هيتجوها؟؟؟؟؟   الأربعاء 8 أكتوبر 2008 - 20:48



--------------------------------------------------------------------------------


تتجوزيني ؟ -
ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه
*************** *************** *****
ـ تتجوزيني ؟
ـ إيه ده ؟ شكلك اتغير
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي
*************** *************** *****
ـ تتجوزيني ؟
ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس
*************** *************** *****
ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
ـ إيه ؟
ـ فريش دي تبقى شتيمة ؟
*************** *************** *****
ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف
*************** *************** *****
ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل
*************** *************** *****
ـ تتجوزيني ؟
ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا
تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع
--------


( بعد سنوات)
ـ تتجوزيني ؟
ـ جبت الشقة ؟
ـ أيوة .. الحكومة بتبني شقق للشباب وأنا خدت شقة .. صحيح
إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك
*************** *************** *****
ـ تتجوزيني ؟
ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا الاتنين
ـ وأنا مالي ؟
ـ مش عاجبك .. مش مشكلة .. أكتبه باسمك
*************** *************** *****
(بعد سنين)
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك
(بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين
خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟
*************** *************** *****
ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان
ـ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟


ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
بلاش تراجيديا من فضلك -
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟
*************** *************** *****
( بعد سنوات )
ـ تتجوشيني ؟
ـ إيه ؟
ـ تتجوشييينيييييي ي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟


ـ لا دي نظارتي أنا


ـ أيوة لقيتها


ـ البشيها بقة
ـ ططييبب
ـ عينيكي فوق شوية .. ده بقك
ـ مش شامعة
ـ بـ .. قوللـ .. كوح .. كوح .. بقولك .. تـ .. تـ
تتجوشيـ .. ؟
ـ أجوش مين ؟
ـ هـ .. و.. ه .. كووح كوح .. هوه إنتي .. كوح كوح .. معرفتيـ
ش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!!!! .. شلامتك .. ما قلتليش ليه ؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه ؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو
شيـ .. كوح كوح كوح كوح .. نـي ؟
ـ أجوشك ؟!! .. طب بش خد الدوا الأول


ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح -
كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع
ـ يا حاج .. يا حاج

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://banatwbas.gid3an.com
esraa
امورة نشيطة
avatar

انثى عدد الرسائل : 79
العمر : 30
العمل/الترفيه : طالبة جامعية
المزاج : مأريفة
الديانة : مسلم
مهنتك :
دعائك :
تاريخ التسجيل : 16/08/2008

مُساهمةموضوع: رد: يا ترى هيتجوها؟؟؟؟؟   الجمعة 10 أكتوبر 2008 - 15:38

ياالهوووووووووووووووووى حر
ايه الذل ده
ماعنهم ما اتجوزوا v funny
ماااااااشى يا بيرو خدى دى يا رخمة hu hu hu hu hu hu
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yara
امورة شطورة
avatar

انثى عدد الرسائل : 37
العمر : 31
الديانة : مسلم
مهنتك :
دعائك :
تاريخ التسجيل : 10/09/2008

مُساهمةموضوع: رد: يا ترى هيتجوها؟؟؟؟؟   الأربعاء 5 نوفمبر 2008 - 16:37

ايوة ايه الذل ده
هو اللى خلقها ماخلقش غيرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وايت هارت
امورة صغنونة
avatar

انثى عدد الرسائل : 15
العمر : 26
تاريخ التسجيل : 10/09/2008

مُساهمةموضوع: رد: يا ترى هيتجوها؟؟؟؟؟   الخميس 13 نوفمبر 2008 - 23:17

هههههههههههههههههههه
ايوة كدة mayam
هى دى البنات
تخليه يجرى وراها لغاية لما نفسه يتقطع
girl
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esraa
امورة نشيطة
avatar

انثى عدد الرسائل : 79
العمر : 30
العمل/الترفيه : طالبة جامعية
المزاج : مأريفة
الديانة : مسلم
مهنتك :
دعائك :
تاريخ التسجيل : 16/08/2008

مُساهمةموضوع: رد: يا ترى هيتجوها؟؟؟؟؟   السبت 22 نوفمبر 2008 - 20:15


دا ما بقاش فى نفس اصلا
يعنى لو مشى خطوتين
هيتوكل الى رحمة الله تعالى i cry i cry
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
prettyangel
امورة شطورة


انثى عدد الرسائل : 39
العمر : 28
المزاج : ياااااااااااااااارب
الديانة : مسلم
مهنتك :
دعائك :
تاريخ التسجيل : 22/11/2008

مُساهمةموضوع: رد: يا ترى هيتجوها؟؟؟؟؟   الأحد 30 نوفمبر 2008 - 10:13

بيرو
تسمحيلي اقولك حاجة
طـــــــــــــــــــــــز فيكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا ترى هيتجوها؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.beau6ygirls.com :: الفئة الاولى :: استراحة بيوتى-
انتقل الى: