لو موتى من الضحك انا ماليش دعوة!!!!!!!!!

لو موتى من الضحك ماليش دعوة.....................

مرة كان فيه واحد زهقان ماعندهوش ولا جنيه
راح لأبوه و قاله: اديني 15 جنيه عاوز اشتري كورة
راح ابوه قاله:امشي من قدامي انا مش ناقصك
الولد:يا بابا بقى بس 15 جنيه ولا اقولك خليها عشرة بس
الاب:ما عنديش فلوس و لو عاوز فلوس روح بيع الديك العيان بتاعك ده
الولد:بس انت قلتها عيان ..يعني ماحدش هيشتريه
الاب:و انا مالي ..دبر نفسك

استسلم الولد للامر الواقع و خد الديك
و اول واحد قابله في وشه

اكيد ابوه
الولد:تشتري الديك؟
الاب:بقولك ايه انت هتمشي من قدامي و لا اقوم اشوطك

الولد:خلاص ..خلاص همشي

خد الولد الديك و طلع بره البيت في محاولة يائسة انه ينباع

عرض الولد الديك على اهل الحارة كلهم ولا واحد فيهم قبل انه يشتري الديك

قام الولد يفكر:أممممممممممم آه لقيتها انا ما قداميش إلا فلانة عقلها خفيف و اكيد هقدر العب عليها بسرعة

للعلم:فلانة دي متجوزة بس للاسف رايحة فيها و بتلعب بديلها من ورى جوزها

راح لها الواد عشان يبيع الديك لها

الولد:تشتري الديك بليييييز؟

الست:اهلا حبيبي تعلى بس قرب مني عشان ابوسك بوسة خفيفة

الولد:تبوسي مين ..خدي انتي بس الديك و خليني امشي

الست:تمشي فين يا روحي انا ما صدقت اني اشوف راجل عندي في البيت

الولد:و مييييين قالك ان انا راجل...خدي بأة الديك و خليني اغور

الباب:طق طق طق طق طق

خافت الست و قالت للولد تعالى اتحط هنا في الدولاب لا يطلع جوزي و نروح فيها

و حطت الولد في الدولاب و راحت فتحت الباب
إلا ويطلع صاحبها الي بتخون جوزها معاه

الست:اهلا و الله بحياتي
الراجل:اهلا بيكي يا عمــ.....

ما لحقش الراجل يكمل كلمته الا و الباب بيخبط تاني

الست:يالهوي يانا ده شكله جوزي تعالى و ادخل في الدولاب و دخلته في الدولاب و راحت فتحت الباب

.
.
.
و فجأة
.
.
.
و في عز الظلام
.
.
.

الولد:تشتري الديك؟؟؟
الراجل:اصصصصصصصصص وطي صوتك الله يخليك ما تفضحناش

الولد:بقوووول هتشتري الديك؟؟؟؟
الراجل:يابني خلاص هشتري بس وطي صوتك انت الله خليك
الولد:طيب
الراجل:هتبيعه بكام؟؟
الولد:بـــ 100 جنيه
الراجل:نععععععم ياخويا؟؟؟؟!! 100 جنيه؟؟؟؟ الديك المنتف العيان ده بـــ100 جنيه؟؟

الولد:و انت ايه عرفك انه منتف و عيان؟

الراجل:خلاص خلاص هشتري و امري لله

و قعدوا خمس دقايق

الولد:تبيع الديك؟

الراجل:ما انت لسة بايعهولي يابن الحلال و عاوز تشتريه

الولد:هتبيع ولا اعلي صوتي

الراجل:خلا خلاص هبيع و امري لله ..هتشتريه بكام؟

الولد:بجنيه

الراجل:نعم؟؟؟؟ بجنيه !!! انا بايعه لك ب 100 جنيه و انت تشتريه بجنيه؟؟؟

الولد:هتبيع ولا اعلي صوتي

الراجل:لالا خلاص ابيع و امري لله

و قعدوا خمس دقايق

الولد:تشتري الديك؟
الراجل:يا عمي مانا لسة مشتريه منك و بايعهولك

الولد:هتشتري ولا اعلي صوتي

الراجل:لا هشتري و انت بكام هتبيعه ؟؟
الولد:بـــ200 جنيه

الراجل:الله يخرب بيتك قول ان شاء الله

الولد:خلصنا هتشتري ولا اعلي صوتي

الراجل :خلاص خلاص هشتري

و بعد خمس دقايق

الولد:تبيع الديك

الراجل:انا لله و إنا اليه راجعون و عاوزني ابيعه بكام
الولد:بجنيه
الراجل:يعني انت عاوزني اعمل ايه بالظبط عاوزني اعيط ولا اشق هدومي خد يا سيدي الديك و ببلاش كمان

و شوية الا و الست تفتح عليهم الدولاب و تقولهم يلا من هنا طالما هو في الحمام وواحد ورى التاني عشان ما تعملوش دوشة

و مشي الراجل
و بعد خمس دقايق مشي الواد

و فضل بأة يمشي في الشارع و هو مبسوط مين قده معاه 300 جنيه

و في الليل روح البيت و لقى ابوه في وشه

الولد:تشتري الديك؟؟

الاب و عفاريت الدنيا قدام عنيه قاله

مش مكفيك يا إبن (... :evil: .؟؟. ... :evil: ) ال300 جنيه الي نشلتها مني في الدولاب

ها ها ها ها ها ها ها

يخرب عقلك يا سوسو :shock:

جامدة بربااااااااااااااط :geek:

هاهاهاههاهاها
جامده اوي يا جميل
بجد تحفه
بس خلي بلك
لحسن تطلع امه في الاخر
هاهاهاههاهاهاها
جامده اوي اوي
تسلمي

حلوة اوووووووى